Studente

Die Gereformeerde Kerk Stellenbosch het ‘n redelike groot persentasie studente wat hulle self ge-organiseer het in ‘n baie lewendige studente organisasie nl GS2 (Gereformeerde Studente Stellenbosch).

(Kontak: studente@gkstellenbosch.co.za)

Eerstejaarkamp

Daar word jaarliks ‘n eerstejaarkamp net voor die Universiteit van Stellenbosch begin vir ongeveer vier dae gehou. Dit is ‘n geleentheid om te groei, die mede nuwe eerstejaars te ontmoet en net iets anders te beleef. Meer inligting kan by die predikant ds Johan van Heyningen (082-929-1733) verkry word.

Idasvallei uitreik

Daar word jaarliks ‘n uitreik in Stellenbosch-omgewing vir ‘n aantal dae gehou net na die Junie–eksamens. Daar word skole besoek, huisbesoeke in Idasvallei, kinderbediening, haweloses bedien, samewerking met die Youth Shelter, hospitaalbesoeke en ook bejaardes bedien – dit is ʼn besonderse geleentheid om te groei, nuwe perspektief oor die lewe te kry en inderdaad ʼn verskil in ander mense se lewens te maak.

Volmoeduitreik

Daar word ook jaarliks ‘n studente-uitreik gedurende die September vakansie by Volmoed, gehou. Dit word saam met ‘n sendeling Roy Reddy in die plaaslike gemeenskap gedoen. Volmoed is so 15 km buite Oudtshoorn geleë.

Hierdie uitreik se fokus is op die kinders van die gemeenskap. Ons bereik hulle nie net deur opvoerings, sketse, dramas en liedjies nie; maar ook deur saam met hulle te speel, te stap, en te gesels.

Bybelstudie

Daar is twee Bybelstudie-groepe wat onderskeidelik Woensdae en Donderdae 19:00 vir 19:15 gehou word.

Rooiplein-kuiers

Dinsdae om 13:00 word daar op die rooiplein gekuier (naby die Biblioteek op kampus). Elkeen bring sy eie ete en kuier saam.

Braai

Daar word gereeld ‘n bring-en-braai gereël by die kerkterrein gehou.

Leave a Reply

Your email address will not be published. Required fields are marked *